ننصف الكوارع كويس جداً بالملح والخل وفي الاخر الماء

اهم خطوه بعد مانكسرها بشيط الاجزاء على النار علشان نتأكد أن كل الشعر اختفى.

نبدأ نجهز الشوربه نضيف مكونات الشوربه والبصله الصغيره ونسيبها ساعة كاملة ونحدد مدة السوى بعدها

نبدأ نحضر الصلصة نجيب البصله الكبيره المكعبات ونحمرها بتلات ملاعق زيت لحد ما تبقي بني فاتح ونضيف عليها الصلصة واول ما توصل لمرحلة الغليان نظبط طعمها ونضيف البهارات ونضيف رشة سكر علشان تحلي الاكله 🥰

بعد ماتتسبك نرفعها من على النار ونستني سوى الكوارع

ننزل بجزء صغير من الطماطم ونرص فيها الكوارع وفوقيها باقي الصلصة وتدخلها الفرن نص ساعة تغلي مع بعض وبعدين نرش شوية شطه من فوق وننزل بيها تحت الشوايه لحد ماتعمل قشرة وتأخذ اللون وبألف هنا وشفا على قلبكم ياحبايبي 🥰