أولا نجيب بسينة صغيرة نحط نفقس فيها لبيض ونزله لخل ونخلط مليح مليح ومنبعد نزيد كيلة زبدة ذايية ونخلطهم كل فل كل ومنبعد نقعد نزيد في كيلات فرينة ونبسس هذاك عجينة وكي تتبسس نسيحها أنا نبغي نفوتها فل سياح باه مجينيش فيها حبيبات ومنبعد نلمها بال ماء دافئ ونخليها ترتاح لمدة ساعتين فأكثر

ثانيا نخدم لحشو تاعنا أنا كاوكاو (فول سوداني) نفوره ومنبعد نخليه يبرد مليح وندخله للفرن غير ينشف ويتحمص باه يروح منه كامل هذاك لزيت

ونبدا نخدم تاني فل طبقات لاخرين ليجو مل فوق وندهن بين كل طبقة وطبقة وفتالي طبقة نفوت لعجينة في جهة رشتة يعني ولا تاع سباقيطي وهنا نعطيكم ملاحظة في هذه مرحلة نفضل تكون وحدة تعاون فيكم لاخطر تنغبنوا شوية فل خدمة أنا تغبنت مين نخدم وحدي وحمدالله سلكتها ههههههههخ رتبوا طبقة تالية مليح مليح باه تجي معدلة وحبات أنا طبعت بال لمول مربع ومقروض ومنبعد قسمتها بال خدمي ودهنتها مل لفوق

ومنبعد دخلوها للفرن طيب مل تحت كي تلقاووو حواشي طابو وبانت فيهم صفورية تاع طياب ولا حمورية طلعوها مل فوق غير تأخذ لون ذهبي فقط ونعسلوها