إفتح في تطبيق كوكبادالخطوات
- 1
نحط الدقيق عليه السكر والملح والخميرة واللبن البودرة ونقلبهم
- 2
نحط البيض و الزيت ونعجنهم مع الدقيق لحد ما يتجانسوا مع بعض
- 3
نضيف الماء الدافئ بالتدريج لحد ما تتكون عجينة متماسكة (لان مش كل الدقيق زي بعضه)
- 4
اول ما نلاقى العجينة بتتلم معانا ومش محتاجة ماء نحطها على رخامة او ترابيزة ونعجن فيها لمدة ١٠ دقائق لحد ما تكون ناعمة الملمس
- 5
نغطيها بفوطة نضيفة ونسيبها تختمر في مكان دافئ لمدة ساعة
- 6
نأخذ جزء من العجينة على حسب مقاس الصينية ونفردها وتكون الصينية مدهونة بالزيت على خفيف
- 7
لو بتحبى العجينة تكون سميكة سبيها زي ما هي لكن لو عيزاها رفيعة شوية غرزيها بالشوكة
- 8
نحط بعد كده الصلصة وعليها طبقة بسيطة من الجبنة وبعد كده نضيف التونة بس لازم لازم لازم وضرورى تكون مافيهاش زيت خالص علشان متعملش ريحة وطعم ظفارة
- 9
نحط الفلفل متقطع شرائح او قطع صغيرة حسب الرغبة. ممكن تضيفى شوية قطع طماطم لو عايزة براحتك
- 10
نحط باقي الجبنة على الوجه وندخلها الفرن على درجة حرارة ١٨٠ لمدة ٢٠ دقيقة
- 11
ولما تبدء تأخذ ون ذهبي من تحت شغلى الشواية لمدة ٥ دقائق الجبنة تسيح
- 12
و بالف هنا تتاكل ساخنة
- 13
صحيح باقي العجينة تقسميها في اكياس مفرغة من الهواء وحطيها في الفريزر ولما تحبي تستخدميها طلعيها تفك وبعدين اعجنيها ثاني لمدة ١٠ دقائق علشان الخميرة تشتغل ثاني وسبيها تختمر
- 14
ممكن العجينة تستعمليها في حاجات كتير غير البيتزا فكرى وجددى براحتك 🤔😊😊🤗🤗🤗
- 15
عايزة اعرف رئيكم بصراحة واللى جربها يعرفنى ومش بزعل من الاقتراحات او الاتقاضات انا برضه بتعلم منكم
- 16
صحيح ادعوا لامى لان هي إللى كانت بتشجعنى في كل تجاربى للبيتزا لحد ما وصلت للنتيجة دى
كلمات ذات صلة
وصفات مشابهة
وصفات ننصحك بمشاهدتها
التعليقات