نغسل العدس كويس ونحطه في حلة عليه الطماطم والجزر والبصل والثوم ونحط ماء حوالي لتر ونص (ممكن تحددى الكمية بازازة الماء المعدنية)

نسيبهم على نار عالية وأول ما يغلي نخفف عليه لحد ما يستوي

اول ما العدس يستوي نسيبوا يهدا شوية وبعدين نضربه جامد في الخلاط

نصفيه كويس نكون محمرين الشعيرية في الزيت مع السمن (لو عايزة تستخدمى نوع واحد ممكن عادي)

نضيف العدس على الشعيرية بعد لونها ما يبقى ذهبي وحطى التوابل (ملح ، فلفل أسود، كمون) ومكعب الماجي واول ما تغلي الشوربة نخفف عليها النار ونسيبها لمدة ١٠ دقائق ونطفي عليها وغطيها كويس وسبيها شوية وبعد كده تتاكل بالف هنا