فى حلة الضغط تكون سخنة كويس اوى ننزل بمعلقتين زيت وننزل باللحمة شوية شوية مش كلها علشان متنزلش ماية تاخد صدمة ولون ننزل عليها بالبصل المقطع مكعبات ونشوحه مع اللحمة وننزل بالفلفل الاخضر والسكر والبهارات ماعدا الملح والمرقة تقلبتين وننزل بكوب ماية سخنة ونقفل غطا حلة الضغط كويس اووى ولو مفيش حلة عادية بس حلة الضغط بتطلع اللحمة مستوية كويس اووى

هنحمر مكعبات البطاطس لحد ماتاخد لون معانا وهنسيبها على جمب

بعد نص ساعة او ٤٥دقيقة على حسب نوع اللحمة هنطفى النار ونسيب حلة الضغط لحد ماتطلع كل البخار اللى فيها وبعدها نفتح على اللحمة ونرجعها النار ونضيف مكعبات البطاطس والملح ومكعب المرقة تاخد غلوتين ونطفى النار ونسبها مغطيه ٥دقايق وتقدم مع رز بشعرية وسلطةاو عيش القراصة هنزلكم طريقته بأذن الله وبالهنا والشفا