نغسل الرز بشكل جيد ومن ثم ينقع في ماء ساخن لمدة ساعه

نقشر البصله ومن ثم تقطع الى شرائح وتضع مع اللحمه وترش عليها فلفل اسود وتقلب عالنار لمدة دقيقه ومن ثم نضع غمرتهم ماء وتترك على نار وسط الى ان تستوي

نضع في طنجره كليين لبن ومعلقتين نشا وبيضه ومعلقة اكل ملح ورشة فلفل اسود ونحركهم جيداً ونتركهم ع جنب الى ان تستوي اللحمه

بعد استواء اللحمه بنقيمها من عالنار وبنحط طنجره اللبن عالنار عاليه مع التحريك المستمر وبس تبلش تغلي بنحط البصل يلي كان مع اللحمه وبنحط كاستين من ماء اللحمه على اللبن. وبعدين بنحط اللحمه فوق اللبن منشان يتجانسو مع بعض ملاحظه صغيره فيكو ما تحطو اللحمه جوات اللبن(حسب الرغبه)

عمل الرز : نغسل الرز بعد نقعو بشكل جيد بنحط في طنجره سمنه او زيت حسب الرغبه وبس يبلش يحمي بنحط الشعيرية مع التحريك الى ان يتغير لونها ومن ثم نضيف الرز والملح والفلفل الاسود وبنحركهم مع بعض وبنضيف اربع كاسات ماء ساخنين وبنغطي الطنجره الى ان تنشف المي وبعدين بنوص النار عالاخير وبنحط كيس ابيض خالي من اي لون منشان اذا في مي تنشف عالبخار يلي موجود ومحبوس داخل الكيس

صحه وهنا وعافيه يارب