نبدا اولا بوضع كاس ماء دافئ ونضيف له م ك خميرة خبز والسكر وكاس فرينة ونخلط بالخلاطة اليدوية ونتركها تخمر بعد ذلك في صحن اخر نحط 3كيسان فرينة مع 2م ك زبدة وم ص ملح وم ك خل ابيض ونبدا بخلط حتى تدخل الزبدة فالفرينة

بعد مايخمر الخليط الاول نضيف عليه بيضة ونخلطه جيدا ثم نضيف خليط الفرينة المحضرة مسبقا ونخلط الكل مع بعض حتى نتحصل على عجين يلتصق باليد نعجنه على طاولة العمل 2د ونشكله حربوش طويل ثم نقسمه الى 8كرات

الخطوة الموالية نقوم بتشكيل الكرات متساوية الحجم اذا كان عندك ميزان ونغطيه بورق شفاف ونتركه يرتاح بعد ذلك نرش طاولة العمل بالنشاء ونبدا بحل الكرة حتى تصبح رقيقة بالحلال ثم نرشها بقليل من الفرينة وندهنها من الوسط وكل الجوانب بالزبدة الذايبة ونحطها على جنب حتى نكمل كامل الكرات ماعدا كرة واحدة لا ندهنها

بعد مانكمل كامل الكرات نبدا بحلها بالحلال وترقيقها جيدا ثم نبدا بقصها الي نصفين ثم الي اربعة ثم الي 8اجزاء بعد ذلك كل مثلث نقصه الى 2وبذلك نتحصل على 16مثلث

بعد ذلك نقص من الاسفل المثلث 1سم ونحط قطعة جبن ونبدا بلف مرتين ثم نسحب العجينةمن فوق ونبدا باللوي حتى الحصول على طيات كثيرة هكذا حتى نكمل كامل الحبات نحطها في سينية فرن ثم ندهنها بصفار بيضة مع قليل من الحليب وقهوة سائلة

نحط حبات الكرواسون فالفرن مسخن مسبقا حتى تنضج ثم نشعل عليها من فوق حتى ياخذ اللون الذهبي ونتحصل على الذ كرواصون خفيف