لتحضير الكفتة نقطع دجاج نضيف عليه نصف بصلة صغيرة مقطعة زوج فصوص ثوم ملح فلفل اسود كركم ملعقة خل ونرحيهم جيدا ونفرغهم في صحن نضيف عليهم معدنوس مقطع بيضة ونضيف لاشابلوغ حتة يتماسك الخليط نشكل يخلاصنا الخليط ونحمرهم فزبدة فمقلاة ونحطهم على جنب

لتحضير المرق : نحط قطع دجاج وزيت في كاسرونة نقليهم شوي نضيف عليهم بصلة و طماطم وثوم وجزر مسكرفجين ونقلي مليح نضيف معدنوس مقطع و ملعقة طماطم مصبرة ملح كركم فلفل اسود ورأس فلفل حار وجزرة كاملة ونقلي مليح ونمرق بالماء الساخن ونضيف كمية الزيتون الاخضر لي كنا غليناه من قبل ونضيف الكفتة لي حضرناها ونخليهم حتى يطيبو ونطفي ونقدم وشهية طيبة