نغسل الخضر ،نقطعها مكعبات و نرحيها في الروبو ،نقليها مليح على النار ، حتى تتشرب الما كامل ،مبعد نضيف التوابل و الطماطم و الهريسة والزيت نقليهم مليح و مبعد نضيف نص كاس ما باه تندمج جميع المكونات و نخليها على النار حتى تزيد تتشرب الما هداك ،في الأخير نضيف معدنوس مفروم و نطفي عليها.

بالنسبة العجينة : في وعاء ،حطيت السميد ضفت عليه الخميرة السكر والملح خلطت ولميتها بالما و نبدا نعجن فيها بإضافة القليل من الماء تدريجيا حتى الحصول على عجينة رطبة.نكورها نخليها ترتاح 5دقائق و مبعد نبسطها تكون رقيييقة ،كل كويرة كبيرة نديرلها كويرة أصغر منها.كيما موضح في الصورة.

نبسط الحشو على الكويرة لكبيرة نحط فوقها الكويرة الأصغر منها نغلق عليها مليح من الجوانب و نحطها طيب في الطاجين.