أولا ،نقوم بتحضير العجينة في وعاء نضع السميد والفرينة مع الملح والخل ونبدا نلم فيهم تدريجيا حتى تتلم ،نبدا نعجن فيها عادي بدون إضافة الماء حتى نتحصل على عجينة رطبة ،بعدها نبل يدي بالما و نعجن فيها بدون ما نقطعها ،كل مرة نضيف القلييييل من الما مع العجن ،كي نشوفها طلقت روحها نشكلها كويرات صغيرة ندهنهم بالزيت و نخليهم يرتاحو على الأقل نصف ساعة (كلما تخليها ترتاح ،كلما تعطيك نتيجة مليحة)

في هده الأثناء نقوم بتحضير الحشو او الصلصة

في روبو نرحي الخضرة كلها مع بعض ،نحطهم في مقلاة و نقعد نقلي فيهم حتى يتشرب الما كامل ،نضيف عليها الزيت الطماطم المصبرة والهريسة و التوابل المدكورة ،نقليهم مليح نضيف عليهم في الأخير نصف كأس ما باه تندمج جميع المكونات،نخليه على النار حتى تزيد تشرب الماء و نطفي عليها ،و نخليها تبرد.

بعدها نشعل عل الطاجين و نبدا نشكل فيهم

باه تجيك العملية سهلة جيبي مول دائري يكون كبير ،ادهنيه بالزيت و بسطي عليه لعجينة حليها مليح ،طبقيها من جهة واحدة حطي الحشو و غلقي عليها و طيبيها مباشرة.كيما موضح في الصورة.