أولا نحضر الأرز نضع الماء في طنجرة ونتركه يغلي ثم نضيف الملح لما يغلي نضيف الأرز ونتركه يطيب لمدة15 ثم نطفي عليه ونصفيه في كسكاس ونتركه يقطر

اونبعد نجيب الخضرة نقشرها ونغسلها ونقطع البطاطا والماجطو والجزر إلى مربعات صغيرة ونملحها ونضيف أيضا الجلبانة ونضع الخضرة المقطعة في كسكاس تفور ونضيف معها الارز على جنب ونغطيهم ونخليهم عالى نار متوسطة

ثم نجيب كاسرونة نضع فيها الماء والبيض ونضعه فوق النار يطيب ثم نرحي البيطراف والجزر ونقطع الجبن والكاشيرو الطماطم والخيار إلى مكعبات صغيرة ونقطع الزيتون الأخضر إلى دوائر والاسود نخليه كيما راه لما نشوف الارز والخضرة فارت ببخار الماء نطفي عليها ونضعهم في طبسي كبير باش تبرد

لما تبرد نجيب صحيفة صغيرة نضع فيها الأرز والجلبانة ونستويه مليح ثم نقلبه في طبسي نتاع السلاطة ونضيف البطاطا والجزر والخيار والطماطم والماجطو والزيتون والجبن والكاشير نزين السلاطة كيما تحبي اختياري

واخير نجيب كاس نضع فيه قليل من الماء والخل وزيت الزيتون ونخلطهم مع بعض ونضعهم فوق السلاطة تتبيلة ونقدمها وشهية طيبة