ترفدي ريسيبيون و تحطي فيه المكونات التالية كأس حليب مجمد مع كاس غبرة شانتيه و علبة فلان شوكولاته تخلطي المكونات هذو مع بعض ومن بعد ترفدي كسرونة ذوبي فيها شوكولاته تاعك فوق حمام مائي على نار قليلة كي ذوب الشوكولاتة ضيفيلها شوية حليب بارد باش تولي دافئة

وزيدي خلطيها مع الخليط تاع فلان و شانتيه و الحليب و طلعيهم قاع بالباتور حتى تولي متماسكة أرفدي أي مول عندك وفرغي فيه أيس كريم ديالك و بالصحة و راحة