نخلط كوب طحين مع الخميره والملح والسكر والزبادي ونتركه لين يختمر لمده ربع ساعه...

بعد ربع ساعه نضيف على العجين الزيت وباقي الطحين بالتدريج حتى نحصل على عجينه متماسكه لينه يمكن فردها يعني يمكن مانحتاج لكميه الطحين كلها.

نقسم العجين ل٤ كور متساويه..

نفرد كل قسم بروحه ونقطع بعد الفرد بشكل طولي...

نلف كل عمود على اقماع بشكل حلزوني وندهن السطح بصفار البيض ممزوج مع شويه حليب عشان يعطي لون جميل...

بعدها نخبزه ف الفرن من فوق وتحت حتى يحمر...

نخرجه من الفرن ونترجه على جنب حتى يبرد...

في هذه الاثناء نذوب الشوكلت الخام في حمام مائي...

من يبرد شوي وقبل لا يجمد نحطه في كيس نايلون ليسهل تعبئة اللفائف...

نعبي اللفائف بالشوكليت ونضعها في صحن التقديم...

ملاحظه.... ممكن استخدام اي شوكليت غير الخام جلاكسي نوتيلا بس حاولي تتحكمي بدرجه البروده والحراره فيه عشان يسهل التشكيل ولا يتعبك...

وبالعافيه ♥