مرقة حمراء بقوانص الدجاج
إفتح في تطبيق كوكبادالخطوات
- 1
نأخذ قوانص الدجاج بعدما نكون نقيتهم و غسلتهم بالخل و الملح و خليتهم فيه لمدة نصف ساعة نقطعهم بهذا الشكل و ننزع هاذوك الجلد اللي فالوسط اللي زيادة مافيهش اللحم
- 2
هاهو الجلد المنزوع الوسطاني
- 3
نحطه يطيب فالماء كي يبدا يغلي نضيف الخل و الخميرة الكيماوية و نخليه
- 4
و كي يبدا يدخله الطياب يعني نصف طياب نضيف الملح باش مايطيبش سامط و نخليه حتى يطيب بهذا الشكل و نصفيه و نخليه على جنب
- 5
نأخذ البصل و الثوم
- 6
نسخن الكوكوطة مليح نضيف البصل و الثوم المبشورين و نحط الغطاء
- 7
و نخليها تطلق ماءها على نار قليلة حتى تصبح بهذا الشكل نضيف الزيت و الزبدة و نخلط
- 8
كي يتقلى مليح نضيفله الحمص اللي نكون نفخته ليلة من قبل
- 9
نضيف الطماطم و الطماطم المصبرة
- 10
و نضيف شوي من شحم المرڨاز أنا كان متوفر عندي (مشي ضروري) و الفلفلة حمراء ونخلي الكل يتقلى مليح و انا نخلط بملعقة خشبية
- 11
بعدها نحط داخل الكوكوطة ملعقة ألمنيوم تكون ثقيلة شوي(هاذي خطة تضمن باش يطيب الحمص و اللحم) و نمرق بالماء الساخن بدون ملح
- 12
نغلق الكوكوطة مانفتحش عليها حتى نضمن الحمص و قوانص الدجاج طابو مليح
- 13
نضيف حبة البطاطا مقطعة و التوابل و الملح و نعاود نغلق على كوكوطة حتى تطيب البطاطا و تمتزج طعم المكونات مع بعض
- 14
نفتح عليها إذا لقيتها ثقلت المرقة و إذا مزال نشعل عليها نار قاوية حتى تثقل و نقدمها بالصحة و العافية البعض يفضلها بالبطاطا في وسط المرق و انا نحبها بالبطاطا المقلية من فوق 🥰🥰🥰🥰 و هذا الشكل النهائي بالصحة و العافية 🥘🥘🥘
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (8)