نخلط الفرينة و الحليب المجفف و الفانيليا و الملح و السكر و خميرة الخبز و الخميرة الكيميائة و نخلطهم مليح. ثم نضيف البيضة و نحلها مليح فى الفرينة. نزيد الحليب بالتدريج حتى نتحصلو على عجينة طرية تلصق شوي فى اليدين. نضيفلها بالتدريج المرغرين مع العجن حتى تتلم معانا العجينة و تولي رطبة. نغطيها ببلاستيك غذائي و نخليها تخمر ساعة حتى يتضاعف حجم العجينة.

نحل العجينة بسمك 1 سم و نقطع دوائر بواسطة طابع و ندير ثقبة فى الوسط. نديرهم فوق فوطة مرشوشة بالفرينة و نخليهم يخمرو 45 دقيقة.

كي يخمرو نقليهم فى زيت غزيرة على نار متوسطة و ندخللهم الزيت من فوق بالمغرفة باه يتنفخو و يتحمرو من الجهتين. كي يبردو نطليهم بالشوكولاطة. و نزينهم حسب الرغبة.