١-أربعة بياض بيض منضفلون رشة ملح + ٣ نقط خل أبيض أول ليمون اذا تواجد منخفقون شوي.
٢-منضيف٢٠٠ غرام سكر + ربع كوب ماء ٨٠ مل بالطنجرة ومنحطون عالنار لحتى تغلي واذا في ميزان للحرارة خصوصي للاكل بكون احسن لازم يصل حرارة القطر ل٢٤٠ درجة ( لان هو يلي حيطبوخ بياض البيض.
٣-منرجع لبياض البيض م

٣-منرجع لبياض البيض منضيف ربع كوب سكر (٧٥غرام) بس منضيفو شوي شوي (بدنا بياض البيض يتقبل السكر مشان يضل خفيف ما ينتزع القوام).(هي نقطة مهم بدنا ياها تكون خفيفة ناعم ما تكون جامدة)
٤-منرجع للقطر (بدنا نضيف القطر بالتدريج على بياض البيض مشان يطبخ البيض ومنضل عم نخفق ونحنا عم نضيف القطر بس منشغل المكسر على درجة خفيفة (((( بالتدريج يعني شوي شووووووي)))))) بعد ما نضيف القطر بصير بياض البيض سخن بدنا نضل عم نخف لحتى يرجع البيض لدرجة حرارة الغرفة (وممكن تاخود ١٠ دقايق او اكتر)

.

٥- منحضر ٤٥٠ غرام زبدة بحرارة الغرفة ومنقطعون مربعات لان حنضيفون على البياض وحدة وحدة.
٦-منرجع للبياض منشغل المكسر عدرجة خفيفة و منبلش نضيف الزبدة كل ما تنخلط قطعة زبدة منضيف التانية مع استمرار الخفق....
٧-بعد هي المرحلة بتحسو الكريمة صارت تكلكع (ما لقيت كلمة تانية ههههه) لا تخافو انتو ماشيين صح ضلو عم تخفقو لحتى يتماسك الخليط واذا حسيتو انو كتتتتير الكريمة سايخة ماعم تمسك حطوا شوي بالبراد و بعدين طلعوا و رجعو خفقو شوي و بتصير جاهزة..