#النمليه
#كوكباد

يرجع وجود الباميه في مصر إلي العصر الفرعوني لقد تم ذكر اسمها بالهيروغليفيه باسم(بانو)

وبدأت زراعتها في مصر قبل 2000 عام حيث وجدت العديد من النقوش الفرعونيه علي جدار المعابد عن الباميه و زراعتها
و الباميه ايضا لها مكانه مميزه عن المصريين القدماء فقد كانت الاكله المفضله لملكه مصر الملكه كليوباترا

الباميه الناشفه وصفتي النهارده وصفه صعيديه قديمه وصفه جدتي
كانوا زمان بينشفوا الباميه و يجففوها و يحتفظوا بيها لفتره طويله و يدقوها بالهون و يغربلوها بالغربال علشان تنزلوا الناعم و يرجعوا و دقوا تاني و يغربلوا تاني لحد ما الكميه تخلص و كلها تكون ناعمه و اهل نوبه بياكلوها بالعيش الكابد أو العيش الشمسي
المقادير
معلقه كبيره باميه ناشفه مطحونه
معلقه توم صغيره
٢ كوب شوربه
واحده طماطم مبشوره
نص معلقه كبيره كزبره ناشفه
الطريقه
نشوح التوم مع معلقه سمنه لو لما لونها يصفر ننزل بالطماطم و نسيبها تتسبك شويه
نحط الشوربه و لما تغلي نحط الباميه و نقلب بسرعه علشان ماتعملش كتل و هتلاقيها تقلت و القوام بقي مظبوط نحط نص معلقه صغيره كسبره ناشفه و تغلي غلوه و نقفل عالطول و تتقدم

ملحوظه طريقه تنشيف الباميه

نجيب ابره و نمشيها علي النار علشان تعقمها و ندخل فيها خيط تقيل و نكون غسلين الباميه و نقمعنها (زمان كانوا بيغسلوها بس و بينشفوها سليمه) و ندخل الباميه من الوسط و نعملها زي العقد و ربط الخيط و نعلقه في مكان في هواء