أولا ننخل الفرينة و الخميرة الكيميائية. نشكل حفرة فى وسط الفرينة و نخلط فيها البيضة و الزبدة الذائبة و نزيد الملح و الفانيليا و الخل و نبسس مليح الفرينة بيهم ثم نمررها فى غربال. نلم الفرينة بخليط ماء الزهر و الماء الذي يكون دافئ حتى نتحصلو على عجينة طرية. نترك العجينة ترتاح فى الثلاجة على الأقل ساعتين.

نخرج العجينة من الثلاجة و نتركها ربع ساعة قبل أن نشكلها. نقسم العجينة الى 8 كرات. كل كرة نحلها بالحلال و نرش عليها النشاء و نطبقها كما موضح فى الصور و نغطيها و نتركها ترتاح نصف ساعة.

نعاود نحل العجينة رقيقة و نقطعها بالجرارة مستطيلات. من الاحسن نديرو كرطون باه يخرجولنا الحبات كيف كيف. ندير خطوط فى الوسط و نخليو فى الاطراف 1سم. نحلو الاشرطة و نطبقو المستطيل على 2 و نعاودو نطبقوه على 2 ثم نحكم الطرف العلوي تاع المستطيل و ندخلو وسط الاشرطة. نضغطو على الجوانب و نقطعوهم بالجرارة. نغطيوهم بكيس بلاستيكي. نقليوهم فى زيت سخون على نار متوسطة و نحلو الاشرطة بالفرشيطة و نلوحو الزيت فوق القريوش باه يتنفخ و نحمروه على الجهتين.

ملاحظة: بالنسبة للعجينة تاع الحواف تكون نشفت من المايزينة او النشاء. نعاودو نطريوها بخليط ماء و ماء زهر و نخليوها ترتاح شوي و نعاودو نورقوها كيما الاول و نخليها ترتاح شوي و نعاود نخدم بيها عادي.