نبدأ بسم الله بتنظيف الدجاجة جيداً ونغسلها بالماء والخل ونتركها على جنب ونحضر صحن زجاجي نخلط فيه التوابل تاعي

بعد ماتقطر الدجاجة تاعي نبدأ بتتبيلها بالخلطة جيداً من الداخل حتى تتبل جيداً ثم من الخارج ونغطيها بورق شفاف ونخليه ليلة كاملة في الثلاجة حتى لغدوة نطيبها

فالغد نحط الدجاحة تاعي في صحن زجاجي خاص بالفرن ونغطيها بورق الطبخ ثم نغلف الصحن بورق المنيوم ونحطها تطيب اي تستوي

اما التتبيلة لي بقاتلي فالصحن نحطن عليهاالبصل مقطع وثوم وم ك ملح ونمرق بالماء ونحطها على النار حتى يتقلي البصل والثوم ونمرق من بعد نغسل كمشة الرز بالماء ونحطها في الماء ونخليه حتى يطيب (يستوي) جيداً وينشف من الماء ونخليه على جنب ونفرغو في صينية فرن ونتركه

بعد ماتقرب الدجاجة على النضوج من تحت ننزع عليها الورق ونخرجها من الفرن ونفرغ في نفس المول الارز ونحط القليل في وسطها ونرجع الدجاجة فوق الارز ونرجعها الفرن تكمل نضوجها ونشعل عليها من فوق باه تتحمر جيداً