كبسة بالجزر المبروش والدجاج المحمّر
أتمنى تجربوها وتعطوني رأيكم جد طيبة جدددداً
بصراحة هي الطبخة اتعلمتا من صهري كتير بحب يطبخ ويأبدع بنكهات الطبخة ماشاءالله عليه
كبسة بالجزر المبروش والدجاج المحمّر
أتمنى تجربوها وتعطوني رأيكم جد طيبة جدددداً
بصراحة هي الطبخة اتعلمتا من صهري كتير بحب يطبخ ويأبدع بنكهات الطبخة ماشاءالله عليه
إفتح في تطبيق كوكبادالخطوات
- 1
منغسل الفخاذ كتير منيح ومنحط رشة فلفل اسود وخل ابيض وعصرة ليمونة كرما الزنخة تروح منخليون شي نص ساعة أقل شي ومنرجع منغسلن ومنصفيون منكون نحنا عم نقطع البصل ناعم والثوم ومنحطن بالطنجرة فوق السمنة والزيت حسب الرغبة واديش بتحبو كمية زيت وسمنة
- 2
بعدو منحط من كل هدول البهارات اذا عندكياهن قطع منحط منو قطع صغيرة ويللي موجود منو بهار منحط منو رشة رشة او نص ملعقة صغيرة فوق البصل دغري ومنحركن شوي صغيرة يعني تبلشي تشمي ريحة البهارات الطيبة ومنحط الدجاج دغري فوقن
- 3
منخليون شي ربع ساعة منرجع منقلب الدجاج بس صار لونو أبيض منحط ملعقة رب البندورة ومنحركن منيح وهيدا كلو منخليه على نار قوية
- 4
منغطي عليا ومننوس شوي صغيرة ومنروح منقطع الجزر والفليفلة لقطع متوسطة الحجم يعني الجزرة منقسمة اربع قطع حسب حجمة وبالتالي الفليفلة الخضرا ومنبرش حبات البندرة ومنحط الليمونة المجففة
- 5
ومنتركا تأخذ نكهة الخضرا وتبلش تفقس الماء منخليا لتنشف شوي وبعدين منضيف الماء لعيار الرز اللي بدك تحطيه ومنحط باقي عيار البهارات ومنخليا عمتغلي ليستوي الدجاج كتييير منيح طبعاً ومامنسا الملح
- 6
بس استوا الدجاج منشيلو منحطو بقلب صينية الفرن دغري كراميل نحمرو
- 7
منصفّي المرقة يللي بالطنجرة كراميل نشيل كلشي حبيبات وشقف ومنكبن ومنحط شوية مرقة فوق صينية الدجاج
- 8
بنفس الطنجرة منرجع منحط زيت وسمنة ومنقطع بصلة ناعم و٢سنة ثوم كمان ناعم منقلييونشوي ومنكون بارشين الجزر شي ٤جزرات حجم كبير منقليون لتحسيون دبلو شوي ومنحط المرقة يللي صفيناها منخليا تغلي شوي
- 9
منكون ناقعين الرز قبل ب٢٠دقيقة تقريباً منغسلو كتيير منيح ومنحطو فوق الماء وطبعاً كلنا منعرف كيف نطبخ الرز منخليه على نار قوية أول شي بس يغلي مع الرز مننوس عالٱٱٱخر
- 10
بين مايستوي الرز منجهز خلطة التحمير للدجاج يللي هي : 2معلقة كبيرة رب البندورة 3معالق كبار لبن غنم عصير نص ليمونة رشة فلفل أسود معلقتين زيت زيتون +رشة ملح
- 11
مندهن الدجاج ومنحطن بالفرن منخليه من ٢٠ل٣٠دقيقة من فوق وكل شوي شوفيه احسن لان الفرن بتفرق حرارتو من غاز لغاز بس بلش يحمر ويصير لونو على بني يفضل انو نطفي من فوق واذا بتحبيه اغمق بتتركيه دقيقتين زيادة مش اكتر بعدين بيحترق
- 12
منشيل الدجاج من الفرن ومنحط الكبسة بقلب صحن المنسف ومنصف الدجاج فوقو وألف صحة وهنا... وفيكي تقدمي جنبة لبن بخيار او سلطة او صلصلة البندورة والبصل الباردة
- 13
هي وصفة الصلصة: حبة بصلة كبيرة + 3حبات بندورة كبيرة + رشة نعناع يابس + حبة فليفلة خضره كبيرة + عصرة ليمونة + رشة فلفل أسود + ملعقة صغيرة رب البندورة + ملح + سنة ثوم كبيرة شوي منخطلن بالخلاط كلن سوا بس ماكتير لأن أطيب إذا كانت شوي شقف واذا حابة تكون أنعم كمان مافي مشكلة
الكوكسناب
من الأكثر بحثًا في
كلمات ذات صلة
وصفات مشابهة
وصفات ننصحك بمشاهدتها
التعليقات