أول الشي منحط الخميرة والسكر وكاسة المي الدافة منخلطن شوي صغيري

بعدين منضيف باقي المكونات معالطحين منخلي كاسة عجنب للرش والدعك

منخلطن بالخفاقة أول الشي بعدين بايدنا أو حسب مامتعودي انتي

واذا حسيتي العجين ناشفة رجعي ضيفي شوي مي ساكنة ورجعي دعكي فيها وطريقة البكس 👊🏻بحسا أحسن شي للعجين المهم بتبقي بتعجني فيا لحتى تبطل تلزق وماتكون ناشفي يعني قاسية لازم تكون طرية

بعدين مندعبلا منعملا كورة يعني ومنحطا بالجاط ومنغطيا بكيس نايلون واذا حابي تستعمليا فورا حطيا بمكان مغلق مثلا متل الفرن طبعا بدون ماتشغليه🤪هيك بصير فيكي بعد ربع ساعة تستخدميها واذا بدك بتبقا ل6 ساعات مابأثر عليا

بعدين بتطلعيها وبترجعي بتعجنيا شوي بايدك وبتشيلي طابات صغار وبترقيون..بهالفترة منكون خالطين زيت وزعتر او عاملي جبنة او اي شي بتحبي وبتجيبي مقلي تيفال بتحميها وبتحطيا عليها شوية زيت ومسحيون بالمحرمة وخلي جنبك صحن بقلو شي معلقتين زيت ك،مال كل ماتشيلي منقوشي ترجعي تدهنيا وبنفس الوقت بينشال الطحين يللي نز عالمقلة كرمال مايحترقو وتتطعم عالمنقوش اللي بعدو

بعدماترقي اول عجينة بحجم منقوشة بتحمي سميك او رقيق بتتحمل بتحطيا بالمقلي بتخليا بس تاخد ريحة النار يعني شي انو تنشف وبتقلبيا وبتدهنيا بالزعتر او بتحطي ربع معلقة صغيرة سمنة وبترشي فوقا الجبنة وبتخليا لتستوي من تحت والجبنة يفضل انك تغطيا كرمال الموزيريلا تدوب وبعدين بتطويها عالنص بتخليا تستوي من الجهتين وبتشيليا بعدين بتدهني بالمحرمي يللي فيها زيت وبترجعي بتحطي منقوشي اذا كنتي سريعة بالشغل خلي النار قوية اسرع واذا حاسة مابتلحقي وطي النار والف صحة وهنا 🥰