بسم الله نضع في قصعة السميد والفرينة ونخلطهم مليح ثم نحط الزيت والملح على جنب والسينوج وخميرة الخبز ونبدا نبسس السميد جيدا ثم نضيف الماء تدريجيا حتى نتحصل على عجينة متماسكة نلمها ونحطها فالعجان تتعجن قليلا نطفي عليه ونخليه يختمر

بعد ذلك نقوم بخبز الكرة باليد حتى نكبرها ونشكلها جيدا ندهنها بصفار البيض ونرشها بسينوج وبسكين نشكل خطوط رقيقة ونخليها تختمر مرة اخرى

نشعل الفرن ونخليه يسخن جيدا ثم نحط السينية تطيب من تحت بعد ذلك نطفي ونشعللها من فوق باه تتحمر وتاخذ اللون الذهبي بعد مانطيب الخبز تاعي نخرجو من الفرن ونقلبو مباشرة فوق طروشون تكون نظيفة ونخليه يبرد ونقصمو على نصفين ونقصو على قطع صغار ونحط في طبق الخبز الكمية اللي فالوصفة خرجتلي 2خبزات كبار