نبدا اولا بتحضير العجينة نضع في صحن علبة الياؤورت مع 2كاس ماء دافئ ونخلط ثم نضيف السكر والخميرة والبيضة ونخلط جيدا ثم نبدا نضيف الفرينة تدريجيا نضيف 3كيسان فالاول ثم نضيف الملح وخميرة الحلوى ونواصل اضافة باقي الفرينة ونحط نصف كاس زيت ونكمل كامل الفرينة حتى نتحصل على عحينة طرية نخليها تختمر

في هذه الاثناء نحضر الحشو في مقلاة بها زيت نحط البصل المقطع ونخليه يذبل قليلا ثم نضيف الفلفل الحلو المقطع مع الملح والتوابل وسنة ثوم والدجاج المرحي ونخلي الكل يطيب جيدا ثم نضيف عليه الطماطم المقطعة ونتركه يكمل طياب ونطيب اللحم المرحي وحدو بعد مانكون تبلتو بملح وتوابل ونخليه يطيب على جنب

بعد مايطيب الخشو نفرغو من المقلاة ونخليه يبرد تماما

بعد ذلك نرجع للعجين ونفرغو من الصحن ونحطو على طاولة العمل نرشها عليها الفرينة وندلها قليلا ثم نقسمها الي 2كرات ثم نقص من كرية قليل من العجين للزينة نبد بحل الكرة الاولى وندهن مول بالزبدة انا خيرت مول زجاجي خاص بالكيش دهنتو مليح ثم نحمل بالحلال العجينة الاولى ونحطها على المول ونشكلها جيدا وبالخلال نقص الجوانب ونفرغ الحشو تاعي عليها ونسويه جيدا

الخطوة الموالية نفرغ عليه اللحم المفروم والجبن المبشور. وبعد ذلك نحل الكرية الثانية بنفس الطريقة ونحملها بالحلال ونغلق على الحشو

الخطوة الاخيرة ندهن العجينة من فوق بصفار البيض ونحل الكرة الثلاثة الي شرائط رقاق بالجرارة ونزين فوق العجينة وندهنهم بصفار البيض ونزين بالزيتون الاسود ونحطها في فرن مسخن على درجة 200د تطيب من تحت من بعد نشعللها من فوق حتى تاخذ اللون الذهبي ونخرجها من الفرن ونقدمها باردة