كيكة عيد ميلادي من وصفات سارة حناشي
كيكة عيد ميلادي من وصفات سارة حناشي
إفتح في تطبيق كوكبادالخطوات
- 1
اول حاجة نوجد غناش تاع شوكولاته باه تبرد نسخن لكرام فريش ونفرغها على شوكولاته كي تذوب نغطيها بالبلاستيك على الوجه باه متتقشرش ونحطها في ثلاجة تبرد
- 2
من بعد نوجد جينواز نفصل بياض على صفار ونطلع بياض بقرصة تاع ملح كي يبدأ يتشكل ثلج نضيف سكر بتدريج حتى يصبح ثقيل ونضيف صفار بالحبة وخلط بالفوي باه ميطيبش (ما يهبط) ونضيف مكونات الفرينة وكاكاو وفاني ومن بعد شكلتها قلوب صغيرة من سارسو لي استعملتو في صينية الفرن استعملت طبقتين وحدة رشيت عليها من الفوق مكسرات كنت حمصتهم من قبل
- 3
نروح نوجد موس الشوكولاتة: نحط الحليب يسخن من جهة أخرى نخلط صفار بيض مع سكر بالفوي من بعد نضيف الحليب عليهم ونرجعها فوق نار وانت تخلطي باه ميطيبش البيض كي يتشكل خط على الملعقة نحييه ونرميها على شوكولاته بيضاء ومخلط باه تذوب ونضيف جيلاتين كنت نفختها في ماء بارد من بعد نطلع الكرام فريش ونضيفها لشوكولا بتدريج باه مطيحش لكرام فريش
- 4
قلصاج مروار: نحط الماء وسكر والغلوكوز على نار حتى تلحق درجة 103 نفرغها على شوكولاته البيضاء ونخلط حتى تذوب نضيف عليها حليب مركز محلي وجيلاتين والملون لكان غبرة نحل في شوي ماء ونمكسي الخليط ومن بعد نصفيه ونخليه تلحق درجة الحرارة 27-24 من بعد نقلاصي بيه
- 5
نجيو للمونتاج تاع كيك استعملت بابي فيلم غلقت بيه سارسو من تحت باه ميسيلش موس الشوكولاتة نحط موس الشوكولاتة هو أول ونطلع مع الحواف باه تتغلف وحط طبقة جينواز نشربها بسيرو ونزيد طبقة تاع موس أخرى ونزيد قناش لي كنت شكلتو قلب بعد ما جمدلي ونزيد طبقة من موس الشوكولاتة ونحط طبقة جينواز لي فيها مكسرات ومن بعد نحطها في كونجيلاتور ليلة كاملة
- 6
من بعد نقلب سارسو ونحي بابي فيلم ونحي سارسو و نقلاصيها وتزيين اختياري هي فيها خدمة بزاف هههه
كلمات ذات صلة
وصفات مشابهة
وصفات ننصحك بمشاهدتها
التعليقات