نغربل الفرينة ونضيف الخميرة ونبدا نطم بالماء الدافي حتى نتحصل على عجينة طرية قليلا نغطيها بلورق الشفاف ونخليها ترتاح لمدة 30 قيقة بعدها نحكم العجينة ونديرلها الملح وندلكها حوالي 5دقائق نشكاها بولات صغار ونخليهم يرتاحو 10دقائق بعدها نڨرسهم كيما اي مثل المطلوع يكونو رقلق شوية ونطيبهم حتى يحمرو

في هذا الوقت نكون حضرت الحشو نقطع البصل مكعبات ونخليه يتقلي حتى يذبال نضيفلو الدجاج الى كنت قطعتو مكعبات صغيرة ونضيفلهم الملح فلفل اسود كي يطيب (يستوي) نطفي عليه ونخليه يبرد

نقطع لخيار والخس والطماطم ونخليم بجيه نحكم البطبوط نفتحو ملفوق ونديرلو مايونيز واوراق الخس والدجاج والجبن ثم لخيار والطماطم وبصحة والهناء