في صحن زجاجي نحط البيض والسكر ونخلط بالخلاطة اليدوية حتى يذوب السكر تماما ثم نضيف رشة الفانيلا والزيت ونخلط جيدا ثم نضيف النشاء والفرينة وساشي الخميرة الكيمائية ونخلط جيدا حتى تتلم معي العجينة ونتحصل على عجينة طرية نقسمها على اثنين

بعد ماقسمت العجينة على اثنين نترك وحدة بيضاء والاخرى نضيفلها مغرف الكاكاو لازم يكون كاكاو بني احسن من الاسود ونخلطها جيدا ونتركهم يرتاحو

بعد ذلك نشكل الكويرات ونوزنهم 25غ ونشكلها باليد ثم نجيب القرياج نرشه بالفرينة ونحطو على العجينة (انا مكانش عندي استعملت لاراب وشكلتو بيها) حتى نكمل العجينتين البنية والبيضاء

ندخل السينيات في فرن مسخن على درجو حرارة 180د تطيب غير من تحت ونخرجها ونخليها تبرد

الخطوة الاخيرة نلصق كل حبة بيضاء مع حبة سوداء بمعجون المشمش ونتركهم يلصقو جيدا