सर्वात प्रथम आपण पीठ मळून घेऊ. त्यासाठी मैद्यामध्ये मीठ,ओवा, आणि गरम तेलाचे मोहन घालून,थोडे थोडे पाणी वापरून पीठ मळून घ्या. दहा पंधरा मिनिटांसाठी रेस्ट करण्यासाठी ठेवा.

मिक्सरच्या पॉटमध्ये जिरे, धणे, बडीशेप घालून जाडसर वाटून घ्या. आता पॅन मध्ये तेल टाका. आता त्यामध्ये चिरलेल् आले लसून, वाटलेले धने,जिरे, बडीशेप टाका.आणि हिंग टाकून परतून घ्या.

आता त्यामध्ये बेसन पीठ टाका आणि छान परतून घ्या. बेसन पीठ मुळे छान बाइंडिंग मिळते. एक मिनिट परतून झाल्यावर त्यामध्ये लाल मिरची पावडर, गरम मसाला, धने पावडर,आमचूर पावडर टाकून मिक्स करून घ्या. आता त्यामध्ये कांदा घालून परतून घ्या. कांदा जास्त ब्राऊन होऊ देऊ नका.

पाच मिनिटे कांदा सॉफ्ट होईपर्यंत परतून घ्या. आता त्यात साखर,लिंबाचा रस घालून मिक्स करून घ्या. नंतर त्यात उकडलेले बटाटे मॅश करून टाका.

चांगले मिक्स करून घ्या.आता वरून कोथिंबीर घाला.तयार आहे आपले कचोरीची स्टफिंग. खरंच खुपच छान मसाल्याचा सुवास सुटला आहे.

आता आपण मसाल्याचे गोळे बनवून घेऊ. पिठाचा एक पेढा घेऊन त्याचा वाटीसारखा आकार करून घेऊ नंतर त्यात टॉपिंग भरून, बंद करून हाताने थोडेसे दाबून घेऊ तयार आहेत आपले कचोरी.

आता कढईमध्ये तेल गरम करण्यासाठी ठेवू.आणि आपण बनवलेले कचोरी सोनेरी रंगाची होईपर्यंत, गॅसवर मंद आचेवर तळून घेऊ. एकदम मस्त खुसखुशीत,क्रिस्पी आणि टेस्टी अशी प्याज की कचोरी चवीला खुप अप्रतिम लागते.