نبدا اولا بتحضير المرق في طنجرة نضع قطع الدجاج ونحط عليهم البصل والثوم والتوابل والفلفى الاسود والملح والمعدنوس المقطع ونحط عليهم م زيت ونخلط مليح ونحط الطنجرة على نار هادئة ونقلي الكل جيدا ثم نضيف م ك طماطم ونخليها تتقلى مليح بعد ذلك نمرق بالماء ونخلي المرق يطيب

الخطوة الثانية نقطع راس الشفلور الى وردات صغار ونغسلو بالماء ثم نحطهم في طنجرة ونحط عليهم الماء حتى يتغطو و م ك ملح ونحطهم على النار حتى ينضج الشفلور

بعد ماينضج الشفلور نصفيه من الماء ونحطو في كسكاس ونحط في صحن 2حبات بيض نخلطهم بشوكة ونضيف عليهم رشة توابل ورشة فلفل اسود ونحط الزيت في مقلاة ونحطها على النار ونبدا بوضع وردات الشفلور فالبيض ثم فالمقلاة

بعد ماياخذ وردات الشفلور اللون الاحمر نقلبهم من كل الجوانب حتى يتحمرو مليح ثم نحطهم في كسكاس حتى يتخلصو من الزيت وراح نفتح على الطنجرة تاعي ونحط فلفل حار

الخطوة الاخيرة راح نحط وردات الشفلور فالمرق ونخليهم يغلو جيدا فالمرق ثم نقدمهم في صحن التقديم انا قدمتو مع سلطة وكسرة مطلوع