فالأول ندير ثلث كيسان تاع الفرينة و زوج تاع دقيق رقيق و مغرف صغيرة تاع الملح و و راس تاع مغرف صغيرة تاع خميرة الخبز و كيس تاع خميرة الحلويات و تلمي بالماء الدافيئ كي تتلم العجينة أدلكيها مليح و قطعيها باش هكذا كي تخليهم يخمرو ما يحبطوش بلخف و ما تتقطعش العجينة و كي تكملي العجن ديري خمس بولات كي تاع المسمن و ديريلهم شوية زيت و خليهم يريحو خمس دقائق كي يريحو حلي البولة الأولى كي المسمن رقيقة و على شكل مستطيل دهنيه بالزبدة ذائبة و ديري دقيق بالخميرة الحلويات و شكلي حربوش و زيدي البولة الثانية

حليها كيما حليتي الأولى و دهنيها بالزبدة و دريلها الدقيق المخلط بالخميرة الحلوة و حطي فوقها هذاك الحربوش ولوي العجينة الثانية على شكل حبوش الثاني و كملي العملية حتى تخلاص العجينة تاعك و طيبيهم فالطجين و بالصحة و الهناء