نطلع البيض بالخلاط الكهربائي بشرط يكون البيض بحرارة الغرفة نضيفلو رشة ملح وشوية خل نضيف الزيت ونكمل نخلط ثم نضيف الفرينة والخميرة بعدما غربلتهم تدريجيا

نفرغ الخليط ونبلاطيه ونحطو يطيب (يستوي) من تحت ومبعد من فوق بشرط مايبطاش من فوق ينشف برك

كي يطيب (يستوي) نلفو بهو بالورق تاع الطهي ونزيد نلفو من فوق بمنديل قماشي مبلل

نخليه يبرد وهو ملفوف بالمنديل ثم نعاود نفتحو بشوية وندهنو بالمربى ونعاود نلفو

نطلع الشانتيه ونزين بيها من لفوق ونرش فوقو سكر ڨلاصي ويبقى التزيين اختياري طبعاً

ونقطعو ونقدمو مع الحليب او المشروبات الغازية وشهية طيبة حبيباتي نتمنى تجربوها