ننقع العدس قبلها بساعتين وبعدين نسلقه في شويه ماء عليهم ملح وكمون لحد ما يستوي ونصفيه ومحتفظ بالماء بتاعته

نقطع البصل (چوليان) أجنحه ونتبله ب شويه ملح وبعدين نحط معلقتين دقيق ونغلفه بالدقيق كويس ونحمره كويس ونطلعه نصفيه على منديل مطبخ ونحتفظ بالزيت

نحط مكعب زبده وشويه زيت من بتوع تحمير البصل ونحمر الشعيرية وبعدين نحط الرز المغسول كويس ونقلبه مع الشعيرية ونحط ملح ونحط شويه من ماء سلق العدس ونكمل بماء ساخنه لحد ما تغطي الرز ونخفف عليه لما يشرب الماء ونسيبه يستوي

نجهز ماء سلق المعكرونه ونحط عليها شويه من ماء العدس شويه زيت وملحد ونسلق المعكرونه ونصفيها

الكبده : نحط الكبده وعليها فصين ثوم وفلف اخضر متقطع وملح وكمون وشويه من زيت البصل ونقلب ونسيبها على النار لحد ما تستوي

صوص الطماطم : شويه من زيت البصل ونحط فصين ثوم مفرومين ونحمرهم ونحط شوية خل وحوالي ربع ك عصير طماطم ونحط ملح وكمون ونسيبها تتسبك

دقة الثوم : فصين ثوم مفرومين ونص كوب خل وكوب ماء وشويه ملح وكمون ونرفعهم على النار لحد ما تغلي ونطفي عليها

ونغرف الاطباق نحط الرز وفوقه المعكرونه او العكس والبصل والكبده وممكن نحط صوص الطماطم والدقه على الطبق او نغرفه في اطباق وكل حد يحط حسب الطلب وبالهنا والشفا 😍