نحضر قدر نضع فيه قطع اللحم ونضيف عليهم البصل والثوم المرحيين مع التوابل والملح والحمص والزيت والفلفل الاسود ونحط القدر على نار هادئة تتقلى جيداً ثم بعد ماتقلى البصل نضيف الطماطم المصبرة ونواصل تقلية المرق ثم نمرق بالماء حتى نغطي اللحم

بعد ذلك نفرغ رطل التليتلي في جفنة واسعة ونحط عليه. ملعقة كبيرة زيت ونخلط ثم نفرغه في كسكاس ونحطو على القدر ونخليه يفور لاول مرة

بعد مايفور التليتلي نزلو من على القدر ونضيفلو الماء ونخليه يتشربو ونرجعو يفور مرة اخرى ونبقا نعاود في نفس العملية حتى يطراو حبات التليتلي وفي كل مرة نرش قليل من الملح حتى ماتجيش الحبة مسوسة بعد ما نكمل تفوار التليتلي نفرغه فالجفنة ونخليه يبرد

بعد ذلك نحط حبات البيض في الماء يتسلقو لحين يطيب (يستوي) المرق تاعي

بعد مايطيب المرق ممكن نصفيه تفاديا من وجود عضام بالمرق او لا نفرغ التليتلي في طنجرة ونفرغ عليه المرق ونحطو على النار يتشرب جيداً ثم نطفي النار ونبردو تماما ونقدمو فالصحن ونزينو بقطع اللحم وحبات البيض والحمص