نبدأ بعمل العجينة... بنخلط الحليب الدافي مع السكر و الزيت و البياض بيضة و الخل والخميرة و كوب دقيق و بنخلطهم ببكون لسه سائل بنتركها ١٥ دقيقة بتشكل فقاعات....بنرجع بنضيف كوب ونص دقيق و رشة ملح و حليب بودرة و بنضيف الشبت و بنعجن...لو سمكت بنزيد زيت نباتي كمان شوي و بنعجن لتتشكل عجينة متماسكة طرية بنغطيها و بنتركها لتتخمر

ببدأ بتجهيز الحشوة بمقلاة عالنار بضيف م ط زبدة و ٣ م ط زيت زيتون و بحط اللحم المفروم و النار واطية و بضيف البهارات و بحركها حتى تستوي... بس استوت بضيف البصل و التوم و بحركها شوي مع بعض بعدها بضيف الفلفل الاخضر والبقدونس و بحركو معهم لدقيقتين... بالاخر بضيف صلصة الصويا و الشطة و بقلبهم و بطفي تحتهم ليبردو شوي

ببدأ بالعجينة بفردها بالشوبك و ممكن بمساعده الزيت بفردها دائري بحط بالطرف الحشوة و عليها جبن مبشور موزاريلا و شيدر و بلفهاو بتأكد من تسكير الاطراف

بحطها بصينية الي حدخلا الفرن و لتتخمر ل ٣٠ دقيقة بتكون كبر حجمها.... وبعدها بشغل الفرن ليحمى و بهالوقت بدهنا بخليط البيضه مع الحليب بخفقهم و بدهن فيهن...و برش عالوش سمسم و حبة البركة...و بدخلا الفرن تتحمر من تحت و تتحمر من فوق

بس طلعت من الفرن 🤩