نقطع البطاطا مكعبات و نقليها (البطاط على حساب افراد العائلة)

نقطع صدر الدجاج الى قطع ماشي صغيرة بزاف و ماشي كبيرة و نخليه يتحمس في شوية زيت

كي يبدا يتحمر شوية نضيفلة الجزر مبشور + طماطم مقطعة قطع صغير + بصل مسكرفج + فلفل حلو مقطع صغير + ماييس

نضيفلهم توابل خليط الدجاج + فلفل اسود + عكري + ملح + ملعقة طماطم مصبرة

نخلط و نخليهم حتى يذبالو مليح ثم نضيفلهم نصف كاس ماء و نخلي الخلط ديالي حتى ينضج نطفي عليه

نحضر صلصة البيشاميل : في كسرونة نضع 50 غ مارغارين و نضيفلها الفرينة حتة تولي عجينة حوالي ملعقة او ملعقتين فقط و نبقى نخلط لمدة دقيقة حتى طيب الفرينة باش لابيشاميل مايجينيش فيه الذوق تاع الفرينة

ثم نضيف الحليب لي يكون ساخن غير بالسوية و نخلط حتى تعقدلي لا صوص او نتحصل على القوام لي حبيتيه خفيفة ولا تقيلة نطفي عليها ونضيفلها الجبن الابيض و نخلط

في صينية خاصة بالغراتان نضع كمية متط الخليط تاع الدجاج تم كمية من صوص البيشاميل ثم نضع مكعبات البطاطا المقلية ثم نضع صلصة البيشاميل

ثم نرابيلها الشيدار من الفوق و ندخلها للفور نشعل عليها من الاسفل شوية فقط

ثم نسعل من الفوق حتى نتحصل على لون ذهبي