في ايناء نضع الفرينة والخميرة والسكر ونخلط ثم الملح والزيت ونلم بالماء الدافي حتى تصبح عجينة طرية وخلوها تلسق شوية ونقعد نخبط فيها بواسطة اليد باه ندخلولها لهوا مدة دقيقتين فقط،ونخليها تخمر ثم نعاودو نفس العملية حتى تصبح عجينة رطبة مثل الصورة

نقسمها إلى كرات حسب الرغبة نجيب سميد رطب ونبدا نڨرص فالعجينة بواسطة حلال للحصول على دائرة ثم نقسم الدائرة الى نصفين نحطهم في صينية الفرن وندخلهم يطيبو حتى يتنفخو ويتحمرو

هذا شكلهم من الداخل،نجيب الحشو لي هو دجاج كنت قطعتو وتبلتو وقليتو في شوية زبدة نحط البطاطا المقلية والدجاج والطماطم والجبن والمايوناز داخل الخبز ونقدموهم يجو خفاف رووعة