كنشد برمة أو كدرة ديالنا كنديرو زيت دجاج والبصل وربيع وملح والابزار وسكنجبير وكركم والقرفة نخليوها تقلا مزيان نزيدو معلقة عسل والماء الدافئ

كندهن الشعرية الرقيقة يزيت لعود مزيااان، ومن بعد كنردها تفور مدة 20د منين تبخرات، درتها بالكسكاس ديالها فوسط بانيو، وخويت عليها لما الطايب اللي كان فلكدرة وحركتها بالفورشيط باش تحل خليتها تسقطرات فلكسكاس مزيااان، عاد رديتها للكصرية، ودهنتها مرة أخرى بزيت لعود وخليتها حتى تشربات لما، عاد رديتها تفور للمرة الثانية مدة 20 د منين تبخرات للمرة التانية، رشيتها بالحليب مخلط مع الملح والفاني وخليتها حتى تشرباتو مزيان، عاد رديتها تفور للمرة الثالثة والأخيرة مدة 15 د.

منين وجدات وضفت عليها شوية الزبيب والمرقة دجاج وحليتها بشوية زبدة درت نصف ديالها في الإناء ونزلت مرق ديالنا الدجاج من بعد ضفت نصف الآخر ورشيتها بسكر صقيل

وقدمتها بحال هاكدا بالصحة والراحة حبيباتي