نبدا اولا برحي صدر الدجاج مع البصلة والثوم فالميكسور بعد ما رحيت اللحم نحطو في مقلاة بها زيت ونحط عليه رشة ملح وفلفل اسود وتوابل ونخلي الخليط على نار حتى يتحل الدجاج ثم نضيف م ك زبدة وربطة المعدنوس ونواصلي التحريك ثم نضيف م ك فرينة ونحرك ثم نطفي النار ونخلي الخليط يبرد

بعد مابرد الخليط نضيفلو الحليب والبيض والجبن ونخلط الكل جيدا ونصف م صغيرة خميرة كيميائية

الخطوة الموالية نخضر المرق لي نرافقو مع اللحم تاعي في طنجرة نحط بصل مرحي وثوم وقطعة دجاج وزيت ونقليهم على النار مع الملح والتوابل والفلفل الاسود ثم نضيف عليهم كمشة جلبانة ونمرق بالماء ونخليها تطيب

بعد ذلك نجيب مول يدخل الفرن الخاص بالمادلان ندهنو بالزبدة ونشكل اللحم وندخلو الفرن يطيب ثم نخرجو ونضيفلو م ك كريمة الجبن ونرجعو للفرن

نرجع الدجاج تاعي للفرن مدة قصيرة حتى يطيب ويتحمر نطفي عليه ونخرجه من الفرن ونخليه يبرد ثم نحط عليه صوص الجلبانة ونزينو بالجبن المبشور والزيتون الاسود