اولا نقوم بوضع اوراق الكرنب بعد غسلها في قدر به ماء وملح ونخلي اوراق الكرنب تطيب ونقطرها ونخليها تقطر

في مقلاة نحط الزيت ونحط اللحم المرحي والجزر المبشور والفلفل الاخضر المقطع والبصل والثوم والملح والفلفل الاسود والتوابل والملح ثم نضيف صلصة الطماطم ونخليه ثم نضيف كاس ماء ونخليه يتشرب حتى ينضج ونطفي النار ونضيف كاس ارز مطبوخ نصف نضج ومعدنوس مقطع وجبن مبشور ونخليه على جنب

في كسرنة نحط 3حبات طماطم مرحيين ونحط عليهم فىفل اسود وملح وتوابل و وورقة رند وكاس ماء ونخليها تطيب جيدا نجيب مول زجاجي يدخل الفرن نفرغ فيه كمية من الصلصة ونجيب ورق الكرنب ونحط طبقة الاولى

بعد ذلك نفرغ نصف كمية الحشو على الكرنب ثم كمية من صلصلة الطماطم ثم النصف المتبقي من اللحم ونقفل بورق الكرنب المتبقي

فالاخير نكمل كمية الصلصة من فوق وندخله الفرن حتى يطيب نخرجو ونقدمو في صحن التقديم ونزينو بورود من الجبن