نسلق المعكرونة اولاا في حلة فيها ماء وحبة زيت وملح ولما تتسلق نصفيها ونسيبها لحد ما نجهز خلطتنا.

نقطع البانية مكعبات. نجيب طاسة تيفال كبيرة او حله تيفال كبيرة نحضر فيها الخلطة. نحط ملعقة زيت اول ما يسخن نحط الفراخ ونحطلها شعرة ملح وفلفل ونسيبها تستوي شوية وبعدين نحط بصلاية مبشورة اول ما تتبدل نحط عليها ملعقة الثوم ونسيبهم شوية.

ننزل بعد كدا بالفلفل الاخضر والزيتون ونسيبهم شوية بعدين نحط الدقيق واللبن والبهارات والموتزاريلا والجبنة ونبتدى نقلب اول ما نحس الخليط ابتدا يتقل شوية زي البشاميل نطفي عليه ونجيب بقى المعكرونة نحطها في الخليط ونقلبهم مع بعض. منحطش المعكرونة على الخليط غير وقت التقديم

ملحووظة الاكلة دى متتاكلش غير ساخنة يعني لو هتحضريها وتسببيها متحطيش المعكرونة غير لما تيجي تاكلي تسخني الخليط وتحطي المعكرونة وتقديمها وصحة وعافية 😋😋❤