طريقة تحضير الأرز انا درتو في الكوكوطة :نحط شوية زيت زبدة بقايا دجاج مثل ضهر او جناح ،بصل مقطع رقيق،ملح فلفل اسود، زعيترة، رند، كركم شوية مانكثروش ونقلي بصل حتى يذبل وبعدها نضيف 2كيسان ارز مفور ونقليه حوالي5دقاءق

وبعدها ندير 4كيسان ماء ونقفل الكوكوطة على نار عالية بعدها نحسب 10 دقائق ونقص ونخليها حوالي 10دقاءق اخري وبعدها نطفيها ونحسب ربع ساعة باش نحي الصفارة

طريقة عمل البشاميل: في كسرونة نحطو الفرينة والزبدة ونخلوها تتقلى مليح وملح وفلفل ابيض ونخلطو باش ما تتكورش ونضيفو الحليب بشوية ونخلطو ثم نضيفو بقية الحليب وقطع الجبن ونخلوها تعقد

ثم نجيبو بلا لي يدخل للفور وندهنوه بالزبدة ونحطو الطبقة الاولى تع الروز وبعدها نحطو نصف الكمية بيشاميل ونحطو الدجاج

وبعدها نحطو بقية الروز ونغطوه بباقي البشاميل ونزيدو جبن مبشور ونحطوه في الفور يتحمر وبصحتكم