اول حاجة كانخدو اي طحانة كانطحنو فيها وكانوضعو فيها الربيع الليمون مصير 4 فصوص من الثوم التوابل وتوابل السمك عصير ديك 2 ليمونات ونحتافضو بالقشرة لشيء آخر صلصة الصوجا الهريسة ضامتي سمك نطحنو الكل ونوضعوه جانبا

في كاسرول نديروا الماء قشور الليمون لي عصرنا 2 فصوص د الثوم شوية د الزعتر و أوراق سيدنا موسى ونديروها فوق النار حتى تغلي ملي تغلي نحيدو ديكشي بالمغرف لمتقب ونوضعو الكلمار مدة 10 دقائق ونطفيو النار فهاد الاتناء نكونو وضعنا الشعرية الصينية فشي إناء ونصفيو الكلمار فوقها باش تشرب ديك الماء وتجي منكها ومن بعد نقطعو الكلمار قطع

فمقلاة نوضعوا القليل من الزيت والزبدة يسخنو ونوضعو كروفيت مع ملعقة أو ملعقة ونصف من العطرية لي وجدنا ونحركوه حتى يطيب ونوضعوه فصفاية ونزلو تحتها شي حاجة باش ديك العطرية لي غاتقطر منو غانحتاجوها

ناخدو صينية فرن ندهنوها بالزيت ونوضعو فيها السمك الأبيض ونديرو لو شرمولة نخليوها تشرب واحد الشوية وندخلوه الفرن يطيب ملي يطيب نفرتوه باليد ديالنا ونخليوه جانبا

فنفس المقلاة لي شحرنا فيها كروفيت نوضعوا فيه شوية دالزيت والزبدة ونديرو الكلمار وملعقة من الشرمولة ونحركوه حتى يطيب ونوضعوه فصفاية فوق كروفيت نرجعو نوضعوا الزيت والزبدة ونوضعو الفطر بعد ما نغسلوه ونقطعوه ونوضعو الشرمولة ونبقاو نحركوه حتى يطيب ونكبوه فوق السمك

نصفيو الشعرية الصينية ونقطعوها ونوضعوها فشي حاجة غارقا باش نخلطو المكونات اول حاجة ناخدو ديك الماء لي قطر من الحوت ونكبوه عليها ونخلطو من بعد نوضعوا السمك مع الفطر وكمية من السمك الأبيض ونحتافضو بكمية فرماج احمر ملعقة الشرمولة ونخلطو الكل

نفرقو الورقة دالبسطيلة على شكل دائرة الطريقة المعروفة وكل ورقة نزلناها ندهنوها بالزبدة ونوضعو شوية د الحشو ونديرو كمية من فرماج احمر نزيدو طبقة تانية ونوضعو الفرماج عاود طبقة تالتة من الحشو ونوضعو ديك السمك الأبيض لي حتافضنا بيه ونشدو البسطيلة ندهنها بالزبدة وندخلوها الفرن الساخن من قبل والتزيين حسب الرغبة