نحضر اللحمة المفرومة نبتدي نبشر البصل وفي حلة على النار نحط حبة زيت ونحط البصل لحد ما يذبل بعدين ننزل عليه باللحمة والبهارات بعدين الطماطم المبشورة نسيبها لحد ما تستوي ونطفي عليها.

نجيب البطاطس المسلوقة في بولة نهرسها كويس ونحط حبة ملح وفلفل وفي حلة على النار نحط ملعقة زبدة نسيحها وننزل عليها بالبطاطس وكوب لبن ونقلبها كويس على نار هادية دقيقتين ونطفي عليها.

نجيب قالب بايركس او اي حاجة متوفرة عندك هنحط البسكويت تحت بعد ما نكون فرمناه كويس في المفرمة وعليه نص كوب زبدة سايحة ونبتدى نرصه من تحت بعدين نجيب البطاطس نحط اول طبقة بعدين نحط اللحمة بعدين الطبقة الثانية.

بعدين نحط جبنة الموتزاريلا والشيدر وندخلها الفرن على درجة حرارة 180 ونسيبها لحد ما الجبنة تسيح وتأخذ لون لان كدا كدا كل حاجة مستوية معانا

وبالف هنا ❤❤❤❤