في طنجرة او كوكوطة نحط زيت سمن او زبدة مع قطع اللحم ونقلي الحم مليح ونزيد عليه الدرسة والثوم والملح وطماطم مصبرة ونقلي شوية لكن نحاذر وانا نقلي باش ثوم ما ينحرقش

بعدها نضيفلها فنجال ماء ،حميصة، ونضيف الفلفل اسود ملعقة صغيرة وعكري ملعقة،نصف ملعقة كمون صغيرة : ملاحظة :الفنجال تع لماء لازم نزيدوه قبل التوابل باش ما ينحرقليش العكري والكمون لانو ادا نحرقو يعطو مرارة للمثوم

ونمرق بالماء سخون ونقفل الكوكوطة ونخي لحم يطيب

من جهة اخرى ناخد صحن نحط فيه لحم مفروم مع شوية زيت و2ملاعق كبار شابلوغ وشوية درسة وشوية عكري ما نكثرش حوالي ربع ملعقة قهوة كذلك الكمون و2فصوص ثوم وملح ونلم بحبة بيض البيض ندير بشوية ونشوف حتى تتلم مثل العجينة ونديرها بولات او كريات ونحطها في الثلاجة

في هذه المرحلة نشوفو لحم ادا طاب ومرقة قعدت قيس الجواز ماشي مايه نرمو ليبولات ام كريات لحم مفروم ونخلوهم يطيبو وتلبي المرقة نطفو وبصحة ولهنا