اول حاجه هنحط اللبن والخميرة والسكر ونقلبهم ونسيبهم خمس دقايق يتفاعلو سوا

بنحط خليط الخميرة والدقيق ورشه الملح في العجان ونسيبهم يتعجنو لحد ما يوصلو لعجينه متماسكة و سطحها ناعم نسيبهم يرتاحو حوالي ربع ساعه

هنبدأ نفردها علي شكل مربع او مستطيل وندهن السطح بزبدة ونرش رشه دقيق ونلفها رول ونقطعها بالسكينه لقطع نحاول تكون متساوية ونغطيها ببلاستيك عشان متنشفش واحنا بنشتغل

بنسخن الطاسه علي نار هادية لمتوسطه وندهنها زيت او سمنه ونبدأ ننزل القطع لحد ماتاخد لون ذهبي ونقلبها الناحية التانيه وهكذا لحد ما نخلص الكمية كلها مبتاخدش وقت خالص 🤩🥰💕

ممكن واحنا بنعملها ع النار نديهم رشه بسيطه زبدة كده نطعمها وبس كده بجد سهله وشكلها يجنن وطعمها جميل اتمني تكون عجبتكم وتجربوها