نبدا اولا بتحضير المرق في طنجرة نضع قطع صدر دجاج ونضع عليهم البصلة المفرومة والثوم والتوابل والفلفل الاسود والعكري والملح وم ك زيت ونقلي على نار هادئة ثم نضيف م ك طماطم مصبرة ونمرق ونخلي اللحم يطيب

الخطوة الثانية نجيب خبزة بايتة نفتتها ونحطها في صحن ونصب عليها كاس حليب ونخليها على جنب بعد ذلك نعصر الخبز جيدا من كمية الحليب ونحطها في مصفاة يقطر

بعد ذلك نحطو في صحن ونضيف عليه معدنوس مقطع وسنات ثوم ورشة ملح وعكري وفلفل اسود وبيضة وجبن ابيض ونخلط الكل مع بعض ونخليه على جنب

الان نقص البطاطا على شكل فريت ونقليها فالزيت ومن بعد نحطها في صحن بعد مايطيب المرق نحي من لحم الصدر ونقوم بتفتيتيه

في مول يدخل الفرن نفرغ كمية من المرق نحط فوقها البطاطا المقلية ونضيف كمية اخرى من المرق ونفرغ بعد ذلك اللحم المفتت

فالاخير نفرغ خليط الخبز على اللحم المفتت ونسويه على كامل الوجه وندخله الفرن نشعلو من اسفل حتى يتشربو المرق ثم نشعل عليه من فوق يتحمر