بسم الله في اناء نضع الزبدة بحرارة الغرفة مع الزيت والسكر الملح القرفة ونخلط جيدا اما باليد او الضراب اليدوي او الخلاط الكهربائي لازم نخلطو مليح باش كي نكملو لعجين ما يطلقش الزيت منبعد نزيد ماء الزهر والنشاء ونخلط ونبدا نضيف فالفرينة بالتدريج مع رشة الخميرة ونجمع حتى نتحصل على عجينة متماسكة قادر نحتاجو رطل فرينة او اكثر او اقل حسب نوعية الفرينة العجينة تكون ساهلة فالتشكيل ميش طرية بزاف وميش يابسة

من جهة نكون الغرس نتاعي عجنتو مليح مع القرفة والقرنفل الى ما تحبهمش ما تزيدش ونبدا نعمل كرات وزن 25 غ والحشو 10 غ حتى نكمل كل الكمية منبعد نفتح العجين بشكل طولى ونحط فيه الحشو الى كنت شكلتو ايضا طويل ونغلق العجين ونجيب غطاء قاروة ونشكل السوار نتاعي ونقفل مليح ونحطها على الجهة الى كانت نهاية العجينة باش كي الطيب ما تنفتحش منبعد ننقش الحبات ونستفهم فالبلاطو وندخلهم فرن ساخن مسبقا ب10 د يتحمر ومن الاسفل

منبعد نزيد نشعل من الفوق يزيد يتحمر غير شوية فقط ونخرجو ونقدمو مع فنجال قهوة او كاس تاي الله الله منسم بالقرفة والقرنفل روعة الناس كامل الى جاو عندي عجبهم وطلبو الوصفة وهذي الوصفة لازم نديرها في عطلة او عيد كبير او صغير لانو من الحلويات الى ياكلوها اكثر من اي حلوة محشية

وبالصحة والعافية