نجيب قدر نضع فيه قطع الدجاج والخليع ونضيف عليهم البصلة والثوم والتوابل والفلفل الاسود والملح ونحط م ك زيت ونحطهم يتقلاو على نار هادئة بعد ذلك نضيف عليهم الجريوات والزرودية

بعد مايتقلاو مليح نضيف الطماطم المصبرة ونقلي جيدا ثم نضيف الحمص والفول والبطاطا ونقلي مليح ثم نمرق بالماء ونغلق قدر الضغط ونخليه يطيب

بعد ذلك نجيب العيش تاعي نرنخو فالماء قليلا ثم نفرغ الماء ونخليه ينشف تماما ثم نحطو في كسكاس ونحطو يفور وفي كل مرة نضيفلو الماء ونعاود نفورو

بعد مافار العيش تاعي نفرغو فالقصعة ونخليه يبرد ونرجع للمرق تاعي نحي منو اللحم والخليع والحمص والبطاطا ونخلي المرق يطيب

الخطوة التالية في طنجرة نحط كمية العيش ونفرغ عليها كمية من المرق ونحطها على النار تتشرب كامل المرق فالاخير نجيب صحن للتقديم ونفرغ فيه العيش ونغطيه بكمية من المرق ونزينو بحبات البطاطا والحمص والقديد