نبدا اولا بتقطيع نصف صدر دجاج الى مربعان ونضعه في صحن نضع عليه ملح وتوابل وفلفل اسود وم ك موطارد ونخلط مليح ونخليه على جنب

بعد ذلك نقطع الخضروات لي عندي ونبدا بالبطاطا نقطعها مكعبات ونجيب مقلاة فيها زيت ونحطها على نار ونقلي البطاطاحتى نكمل كامل الكمية نفرغها في صحن غارق ونخليها على جنب

ثالثا نقطع كل من البصل والثوم الى مربعات رقيقة والطماطم كذلك ونخليهم على جنب ونرجع للدجاج نجيب مقلاة نحط فيها م ك زيت وم ص زبدة ونحطها على النار ونفرغ الدجاج تاعي ونبدا بتخليطه فالمقلاة حتى يتحمر نضيف عليه البصل والفلفل ونواصل الخلط حتى يذبالو

الخطوة التالية نضيف الطماطم ونخليها تطيب مليح ثم نضيف ملاعق الكريمة ونخلط مليح ونطفي النار

الخطوة الاخيرة نرجع لصحن البطاطا ونحط عليه 3بيضات ونخلط ونجيب مقلاة ندهنها بالزبدة ونفرغ نصف كمية البطاطا ونسويها مليح ثم نفرغ عليها خليط الدجاج ونحط عليه جبن طري وجبن مبشور ونفرغ باقي البطاطا ونسويها جيدا ونحطها على النار

بعد ماتطيب اابطاطا نقلبها على جهة الاخرى تتحمر ونفرغها في صحن التقديم