نبدا اولا برحي نصف صدر الدجاج ثم نحطو في صحن ونحط عليه البصل والثوم والتوابل والعكري والملح والمعدنوس المقطع ونخلط ثم نضيف الشابلير والياؤورت ونواصل الخلط حتى الحصول على لحم طري نوعا ما

بعد ذلك نجيب ورق شفاف نحلو ونحط فيه قطعة من اللحم ونحلها باليد ونجيب جبن قطع نقطعو مورسوات صغار ونلف حتى نتحصل على سيقار نغلقو مليح كي لا يخرج الجبن حتى نكمل كامل الكمية نخليها ترتاح

نجيب مقلاة نحط بها م ك زيت وم ك زبدة على نار هادئة ثم نضيف الحبات تاع اللحم يتقلاو ونبقا نقلب من كل الجوانب حتى يتحمرو

بعد ماتحمرو السيقار تاعي نحطهم في صحن ونقدمهم مع ارز