بطاطس بيوريه ❤
دي اكله بعملها لما بكون زهقانه ومش عارفة افكر و اللي بيخليني اعملها اكتر زين ابني بيحبها جدا فاممكن اعملها كل يوم ومش بتاخد وقت ولا مجهود و مكوناتها فالبيت كل يوم
بطاطس بيوريه ❤
دي اكله بعملها لما بكون زهقانه ومش عارفة افكر و اللي بيخليني اعملها اكتر زين ابني بيحبها جدا فاممكن اعملها كل يوم ومش بتاخد وقت ولا مجهود و مكوناتها فالبيت كل يوم
إفتح في تطبيق كوكبادالخطوات
- 1
نقطع البطاطس مكعبات و نغسلها كويس من الرمل و نحطها علي النار و نضيف الملح و الكمون انا بحب املحها عشان مش بعرف اظبط الملح بتاعها بعد السوا و لما تستوي بعد تلت ساعه بالكتير اطلع البطاطس في مصفاه زي كدة عشان تنزل ميتها و متفرولش مني
- 2
نهرسها بالشوكة او بالهراسة اليدوية او البلندر و نضيف التوابل الباقية انا التوابل دي مبستغناش عنها في اي اكله و نحط علي الكيلو معلقتين دقيق عشان البطاطس تمسك، في بعضها وسهل تشكليها و بعد الشتكيل نحطها في الفريزر شوية تشمع
- 3
نجيب البيض و نحط عليه الملح و الفلفل و نقلب كويس و ننزل واحده واحده في الدقيق و بعدين البيض و بعدين البقسماط و علي حله التحمير في زيت غزير سخن جدا و متقلبيهاش غير لما تتحمر من تحت و بتبقا تحفة و ممكن تتحشي باي حشوة انتي عايزاها و بالف هنا
كلمات ذات صلة
وصفات مشابهة
وصفات ننصحك بمشاهدتها
التعليقات